Нивото на канцелариите за врски во Атина и Скопје – на ниво на амбасади

Денес Министерствата за надворешни работи на Северна Македонија и на Грција разменија ноти, со кои нивото на канцелариите за врски во Атина и Скопје се подига на ниво на амбасади.
– Согласно членот 10 од Конечната спогодба за решавање на разликите опишани во Резолуциите 817 (1993) и 845 (1993) на Советот за безбедност на Обединетите Нации, за престанување на важноста на Привремената спогодба од 1995 година и за воспоставување на стратешко партнерство меѓу страните, се подига нивото на Канцеларијата за врски во Атина на ниво на Амбасада на Северна Македонија, Канцеларијата за конзуларни, економски и трговски работи во Солун на ниво на Генерален конзулат, а истовремено, Канцеларијата за врски во Скопје се подига на ниво на Амбасада на Грција, Канцеларијата за конзуларни, економски и трговски работи во Битола на ниво на Генерален конзулат, се наведува во соопштението на МНР.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.