Во Кочани деновите сѐ почесто се шпекулира дека независниот советник во Советот на Општина Кочани, Венко Крстевски веќе обезбедил мнозинство за да биде избран за вршител на должноста градоначалник, откако од позицијата по трагедијата во дискотеката „Пулс“ неотповиклива оставка поднесе градоначалникот Љупчо Папазов, следнио ден си поднесе неотповиклива оставка.

Крстевски ветува дека за седум месеци „ќе сработи повеќе отколку сите градоначалници до сега во овие 30 години“.

Планира строго да ги контролира угостителските објекти и незаконските тенди во градскиот трговски центар да ги урне, пренесува Фокус.

Инфомакс пак од свои извори дознава дека никој од ВМРО-ДПМНЕ не прифаќа да биде градоначалник на Општина Кочани поради огромниот гнев на кочанчани кон владеачката партија.

Сите провладини медиуми објавија дека Мирче Стојков, советник од ВМРО-ДПМНЕ, ќе ја води Општина Кочани до изборот на нов градоначалник, откако досегашниот Љупчо Папазов поднесе оставка од морални причини по пожарот во дискотеката „Пулс“ во која загинаа 59 млади луѓе, а 155 се повредени. Стојков досега беше заменик градоначалник на Папазов.

Но неофицијално дознаваме дека поради огромниот гнев на неговите сограѓани ниту Стојков ниту ниеден друг истакнат член на ВМРО-ДПМНЕ во Кочани не прифаќа да се најде во градоначалничката фотелја.