Фото: Shutterstock.com
Речиси четири години по излегувањето на Windows 11, се уште има многу корисници кои остануваат на Windows 10. Ова е типично за светот на Windows, бидејќи голем број од корисниците неретко одбиваат да го прифатат најновиот систем. Главниот предизвик за овие корисници е што во октомври годинава завршува официјалната поддршка за Windows 10. Иако за пософистицираните корисници ова можеби не претставува значителна пречка, сепак, по овој датум се препорачува избегнување на користење на овој систем. Освен што Windows 10 веќе одреден период не добива нови функции, по истекот на поддршката, системот ќе престане да прима и безбедносни ажурирања и корекции на грешки.
Иако бројот на корисници на Windows 11 полека расте како што се ближи оваа дата, сепак бројката не е доволно голема за да поттикне масовен премин на новиот систем. Затоа се очекува Microsoft да ги интензивира своите напори за да ги убеди корисниците да преминат на Windows 11 или да ги заменат своите постари компјутери кои не се компатибилни. Ова е клучно за компанијата, бидејќи постои ризик значителен дел од корисниците да се задржат на постарите уреди и да инсталираат Linux, нешто што е неизбежно, но останува да видиме во кој процент.
Во почетокот на овој месец, Microsoft објави список со седум функции на Windows 11 кои ги промовираат предностите на овој систем. Ова е насочено кон корисниците на Windows 10, кои се уште имаат можност за бесплатна надградба. Microsoft ги нагласува новите функции меѓу кои се: ревидираното Старт мени, Snap layouts, опцијата за креирање на повеќе виртуелни работни површини, виџетите, Focus сесиите, логирањето со Windows Hello и темната тема. За многу од корисниците кои останаа на Windows 10, овие карактеристики можеби не се толку значајни, но можеби ќе направат разлика колку што се очекува да се подобри Старт менито до крајот на годината.
The post Нови карактеристики на Windows 11 за корисниците на Windows 10 appeared first on 365.mk.
