Најпријатното изненадување во Премиерлигата е екипата на Нотингем форест која потсетува на своите најдобри времиња кога беше една од најсилните екипи во Англија.

Нотингем форест има шест последователни победи во Премиерлигата, тоа е нивна најдобра серија уште од сезоната 1966-67 година кога исто така врзале шест победи во серија.

Таа година Нотингем форест завршија на второто место во најдобрата англиска лига, а десетина години подоцна беа шампиони на Англија.

По 20 одиграни кола во Премиерлигата оваа сезона Нотингем форест е на третото место со ист број како и Арсенал, 40. Во моментов е во најдобра форма од сите екипи. Тие имаат само шест бода зад лидерот Ливерпул.