Облачно и ветровито, попладне дожд

Времето денеска ќе биде променливо облачно со врнежи од дожд во попладневните и вечерните часови кои наместа ќе бидат пообилни. На планините врнежите ќе бидат од снег. Ќе дува и слаб до умерен југоисточен ветер.
Утринската температура ќе се движи од минус 3 до 3, а дневната од 8 до 13 степени.
Во Скопје слично време со слаба утринска магла. Утринската температура ќе се спушти до нула, а дневната ќе достигне до 10 степени.
Во следниот период синоптичарите најавуваат претежно облачно време со повремени врнежи од дожд со променлив интензитет. На планините врнежите ќе бидат од снег и ќе се зголемува снежната покривка. По котлините ќе има појава на утринска магла. Во понеделник ќе дува засилен северен ветер. Од вторник се очекува стабилизирање на времето.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.