Безброј пати во текот на последните две децении, Новак Ѓоковиќ ги воодушеви тениските фанови ширум светот освојувајќи големи трофеи.
Српскиот тенисер зад себе има дури 24 гренд слем титули, олимписко злато од Париз, бројни трофеи од АТП Мастерс и многу други успеси што ја одбележаа една од најуспешните кариери во историјата на тенисот.
Иако наполни 39 години, Ѓоковиќ сè уште настапува на највисоко ниво, а следната недела ќе има нова борба за трофејот во Пекинг.
Сепак, малкумина денес се сеќаваат какви беа неговите први чекори на големата тениска сцена.
Пред да ја освои својата прва АТП титула во 2006 година во Амерсфорт, Ѓоковиќ веќе имаше значајни резултати во јуниорската конкуренција. Токму од тој период деновиве кружат интересни фотографии на социјалните мрежи, на кои можете да видите некои од тогашните млади надежи на светскиот тенис.
Junior days, 2003.All four became world #1 and won multiple Grand Slam titles. pic.twitter.com/aDfscsk78e— Danny (@DjokovicFan_) September 20, 2026
Фотографиите од 2003 година ги прикажуваат Новак Ѓоковиќ, Енди Мареј, Викторија Азаренка и Анџелик Кербер, тогаш сè уште тинејџери кои сè уште не биле во самиот врв на светскиот тенис.
Изгледот на младиот Ѓоковиќ привлече посебно внимание. Многумина забележаа дека српскиот ас ги задржал речиси истите црти на лицето дури и денес. Сличен случај е и со Енди Мареј, додека на љубителите на тенисот им беше многу потешко да ги препознаат Викторија Азаренка и Анџелик Кербер во тоа време.
Интересно е што сите четири тенисери од фотографиите подоцна стигнаа до првото место на ВТА или АТП листата и освоија Гренд слем титули.
Поминаа повеќе од две децении од фотографиите од 2003 година до светскиот врв, а ова интересно сеќавање уште еднаш покажува колку време поминало од нивните први тениски чекори.
The post Објавена фотографија од Новак Ѓоковиќ од 2003 година, дали би го препознале? appeared first on Во Центар.
