Многу родители им дозволуваат на своите деца да користат мобилни телефони, но прекумерната употреба може негативно да влијае на развојот на детето, вклучително и на говорот.
Иако многу родители веруваат дека светлите бои и подвижните слики на екраните го привлекуваат вниманието на децата, експертите предупредуваат дека ова не е добар начин за учење. Тие исто така забележуваат дека на многу деца кои често ги користат своите телефони им недостасуваат основни вештини, како што се способноста за зборување, разбирање зборови и правилно користење книги.
Покрај тоа, честата употреба на мобилни телефони е поврзана и со недостаток на мускулна сила и слабо развиени моторни вештини кај децата.
Психологот д-р Ерик Сигман изјави за „Мирор“ дека родителите често им даваат мобилни телефони на своите деца поради преоптовареност со работа и недостаток на семејна поддршка.
„Учењето на децата да ја користат технологијата од мали нозе не е корисно за нивниот развој“, рече тој.
Експертите, исто така, нагласуваат дека децата треба да научат како да се дружат и да развиваат јазични вештини преку интеракција со возрасни и врсници, а не преку пасивно време поминато пред екрани.
Дополнително, експертите наведуваат дека децата се збунети и под стрес кога родителите премногу гледаат во нивните телефони и дека губењето на конекцијата може да има долгорочни последици врз чувството на безбедност и социјалните вештини на децата.
The post Оваа навика негативно влијае на развојот на говорот кај вашите деца appeared first on Во Центар.
