Нередовното спиење не е само навика што ја нарушува секојдневната рутина – според новото истражување, тоа може значително да го зголеми ризикот од сериозни здравствени проблеми, па дури и да доведе до смрт.Иако спиењето често се смета за луксуз на модерниот живот, новото истражување укажува на сериозни последици од нередовниот сон. Имено, луѓето кои немаат редовен распоред за спиење се соочуваат со дури 26 отсто поголем ризик од срцев или мозочен удар во споредба со оние кои спијат секоја вечер во исто време.Истражувањето, спроведено на примерок од 72.269 луѓе на возраст меѓу 40 и 79 години, ги следело моделите на спиење во текот на една недела. Врз основа на овие податоци, т.н „индекс на регуларност на спиењето“. Луѓето чиј индекс бил понизок од 72 имале неправилен ритам на спиење, што е поврзано со поголем ризик од кардиоваскуларни заболувања, пишува „ Најпост “.Недостатокот на сон не може да се поправиМногумина веруваат дека изгубениот сон може да се надомести, но научниците предупредуваат дека срцето и мозокот „се сеќаваат“ на недостатокот на сон и не можат целосно да закрепнат. Навиките како останување будни до раните утрински часови дополнително ја влошуваат состојбата. Споредбата покажа дека луѓето со неправилен сон имаат 80 отсто поголем ризик од здравствени проблеми, додека оние со исклучително неправилен ритам на спиење имаат дури 26 отсто зголемен ризик.Одредени намирници го регулираат циклусот на спиењеСо цел да се постигне здрав и редовен сон, експертите препорачуваат во исхраната да се внесат одредени намирници. Црешите, кои содржат мелатонин, можат да помогнат во регулирањето на циклусите на спиење. Бадемите се идеални релаксирачки закуски, додека бананите, богати со магнезиум и калиум, позитивно влијаат на квалитетот на сонот.Рибите како лососот и туната, поради омега-3 масните киселини, не само што придонесуваат за здрав сон, туку и го штитат срцето. Како вечерен ритуал се препорачува шолја топло млеко или зелен чај без кофеин за да ви помогне да заспиете. Овесната каша и јаболкото пред спиење можат исто така да придонесат за подолг и поквалитетен сон, а со тоа и за поздрав живот.Редовното спиење не е само прашање на чувство на одмор – тоа е клучот за долг и здрав живот.