Малкумина ја паметат Ивана Кукриќ која своевремено беше една од најубавите Србинки во светот на модата.
Доказ за ова тврдење е фактот што манекенката била и каскадер на Хали Бери во една реклама, кога наместо очите на актерката биле користени нејзините очи.
Својата кариера долго време ја градеше во Америка, каде што чекореше по модните писти на највлијателните брендови и ги красеше насловните страници на најпрестижните списанија, а неверојатно е што и денес, на 41-годишна возраст, Ивана сè уште има извајано тело на кое може да и подзавидат многу девојки.
И по раѓањето на нејзината ќерка Хана, Ивана успеа да ја врати својата линија.
Таа е среќно мажена за црногорскиот бизнисмен Иван Бајковиќ, со кој пред свадбата беше во врска 5 години, а моментално парот живее во Лос Анџелес. Сопругот речиси никогаш не го покажува на Инстаграм, а деталите за нејзината љубов ги чува од очите на јавноста.
Ивана на јавноста и стана позната и како кума на Јелена Карлеуша на првата венчавка. Тие две беа повеќе од блиски, а во 2004 година нивното пријателство се претвори во кумство кога Јелена се омажи за Бојан Кариќ. Ивана беше кума на Јелена, што беше и очекувано бидејќи тие две заедно пораснаа.
Меѓутоа, со текот на времето нивните односи заладија, така што Ивана не беше поканета на свадбата на Јелена и Душко.
