Секоја жена барем еден месец била во состојба да се праша дали е “тој” месец или пак станува збор за ПМС симптоми.
Кога станува збор за бременоста и да утврдите дали сте бремени треба да имате на ум дека трпението е најважно. Додека чекате може да го направите домашниот тест и да ги пратите знаците кои вашето тело ви ги дава.
Болки во градите. Градите се први кои даваат информација дека сте бремена. Освен тоа што се зголемуваат, болни се, чувствувате пецкање, исто така како знак може да ја забележите и промената на ореолот. Тој станува потемен како резултат на промена на хормоните.
Зачестено мокрење. Оваа појава се јавува во првите недели од бременоста. А трае и понатаму во текот на бременоста затоа што плодот го притиска мочниот меур и се јавува потребата од почесто мокрење.
Покачена телесна температура. Тоа се забележува особено во утринските часови, кога ќе се разбудите, а потоа паѓа, па пак се покачува.
Умор. Трудницата во првите четири месеци лесно се заморува, често е поспана и многу лесно може да се успие додека гледа телевизија, седи на каучот.
Поголема чувствителност на мириси. Новопечените трудници поинтензивно ги чувствуваат мирисите, и поголем дел од нив им мирисаат лошо. А дотогаш воопшто не им пречеле.
Надуеност. Овој симптом може да е присутен и при ПМС но, многу често е симптом и на бременост.
Цервикална слуз. Еден од првите знаци на бременост е промена на цервикалната слуз. Доколку таа е кремаста и потемна и по овулацијата тоа е добар знак дека треба да направите тест за бременост.
