Ако сте корисник на TikTok или Instagram и истовремено верно следите профили посветени на храна, тогаш деновиве сигурно не пропуштивте ниту еден рецепт кој во моментов е вистински хит на овие социјални мрежи.
Станува збор за тестенини со печено фета сирење и домат што лесно се подготвуваат, а судејќи според коментарите на оние кои го пробале рецептот – резултатот е навистина вкусно јадење.
Првата верзија на рецептот, наводно, ја смислил финскиот гастроблогер Џени Хајринен уште во 2019 година, а рецептот некогаш бил толку популарен во нејзината земја што имало недостиг од фета во продавниците ширум Финска.
СОСТОЈКИ ЗА 4 ЛИЦА:
– 450 грама ситни тестенини по желба (пен, фарфале, ригатони …)
– 500 грама шери домати
– 200 грама фета сирење
– 2 чешниња лук
– 1 грст свежи лисја од босилек
– 1 дл маслиново масло
– сол и црн пипер
ПОДГОТОВКА:
1. Измијте ги доматите, ставете ги во плех за печење, истурете маслиново масло, сол, бибер и ставете го фета сирењето во едно парче на средина, а потоа посипете со малку повеќе маслиново масло. Ставете го во рерна загреана на 180 степени и печете 30 минути.
2. Во меѓувреме, сварете ги тестенините во согласност со упатствата на пакувањето. Кога доматите и сирењето ќе се испечат, извадете ги од рерна, додадете ситно сецкан лук и босилек и измешајте сè. Ставете ги сварените тестенини во плехот, промешајте уште малку за да ги соедините со останатите состојки и потоа послужете ги.
Пронајдете не на следниве мрежи:
