Крокетите од компири се одличен избор на гарнир со малку повеќе калории што можете да го подготвите кога имате вишок пире што не е изедено или кога сте уморни од класичните додатоци како ориз, помфрит и пире. Добрата страна на овој рецепт е што делува дури и ако сакате да правите крокети традиционално, пржени на масло, и ако одлучите да ги печете во рерна и да избегнете маснотии.
Компирот е храна која одлично ги поднесува зачините, па овие крокети можете да ги збогатите со различни вкусови по ваш избор. Освен со популарното морско оревче, одлично оди и со лук и пармезан. Подолу, откријте ја листата на состојки и целосниот процес на подготовка на домашните крокети од компири.
Потребни состојки:
4 големи компири
1 јајце
50 гр лебни трошки
30 гр рендан пармезан
2 лажици свеж магдонос
2 чешниња лук
сол и бибер по вкус
масло за пржење (ако ги пржите крокетите).
Подготовка:
Гответе ги компирите во солена вода додека не омекнат, околу 15-20 минути. Исцедете ги и оставете ги малку да се изладат.
Во поголем сад изгмечете ги варените компири. Додадете ги јајцето, презлата, ренданиот пармезан, магдоносот, лукот, солта и биберот. Сите состојки убаво измешајте ги додека не добиете хомогено тесто.
Од смесата обликувајте ситни крокети, по желба можете да ги обликувате во кифлички или топчиња.
За печење во рерна: Загрејте ја рерната на 200 °C. На плех ставете хартија за печење, наредете ги крокетите на плехот и печете околу 20-25 минути или додека не поруменат и не станат крцкави.
За пржење: Загрејте го маслото во тава на средна топлина. Кога маслото е доволно загреано, ставете ги крокетите во тавата и пржете ги од двете страни додека не поруменат и станат крцкави, по 3-4 минути од секоја страна. Исцедете ги на хартиени крпи од вишокот масло.
Послужете ги крокетите веднаш, по желба со сос по избор.
Уживајте!
„МИНУТИ ЗА СЕКОГО“ | Фејзи и Ѓурчиновска | ЖЕНИТЕ ОД РУРАЛНИ СРЕДИНИ
