Научниците веруваат дека метеоролошкиот феномен Ел Нино, во комбинација со растечката климатска криза, веројатно ќе ги собори сите мерни рекорди во 2023 година.

Метеоролозите прогнозираат дека природната појава која се случува во Пацификот Ел Нино ќе се случи на крајот на оваа година, што дополнително ќе ги влоши екстремните временски услови ширум светот.

Ел Нино е феномен поврзан со затоплувањето на водите на источниот екваторијален Тихи Океан, циклично, кое се случува на секои три до осум години и трае 8-10 месеци.

Тоа е топлата фаза на екваторијалната пацифичка клима која предизвикува безброј и тешки штети во интертропските и екваторијалните појаси, главно поради обилните дождови.

Ова ќе ја зголеми просечната температура за неверојатни 1,5 степени, што значи дека 2023 година би можела да биде една од најтоплите години досега.

Во моментов, 2016 година е најтоплата година во историјата, која датира од 1850 година.

Гасовите со ефект на стаклена градина што се испуштаат од човечките активности ја зголемија просечната глобална температура за околу 1,2 степени Целзиусови до денес.

Ова веќе доведе до катастрофални последици ширум светот, од екстремни горештини во САД и Европа до разорни поплави во Пакистан и Нигерија, кои погодија милиони луѓе, пишува Гардијан.