Косовската претседателка Вјоса Османи побара од Владата да ги прекине увозните давачки за сите американски производи, наведувајќи дека на тој начин ќе се испрати јасна порака дека Косово е подготвено за поцврсти односи со САД.
Османи во објава на социјалната мрежа „Икс“ наведува дека укинувањето на царините на американските производи е важен чекор кон продлабочување на економските врски со најблискиот сојузник.

„Денеска официјално побарав од Владата на Косово да ги прекине увозните давачки за сите американски производи – важен чекор кон продлабочување на економските врски со нашиот најблизок сојузник и да испрати јасна порака дека Косово е подготвено за посилни односи со САД, со јасна визија што ќе ги направи двете наши земји посилни, побезбедни и попросперитетни“, напиша Османи.

Таа рече дека укинувањето на царините ќе отвори нови можности.

Таа посочи и дека ваквиот потег не е само економски, туку има и надворешнополитичка цел.

„Убеден сум дека овој потег ќе отвори нови можности за отворање нови работни места, размена на технологии и долгорочен економски раст. Повеќе од само економски потег, ова е надворешнополитичка цел која ја потврдува нашата постојана посветеност на косовско-американските односи. Сојуз изграден врз заедничките вредности на слободата и децениската непоколеблива поддршка“, заклучи Османи.