Руските власти поднесоа обвиненија за тероризам против човекот осомничен за убиството на шефот на одделот за хемиско оружје во бомбашкиот напад, известија светските медиуми.

Ахмад Курбанов, за кој се вели дека е државјанин на Узбекистан, наводно се соочува со три обвиненија за убиство, трговија со оружје и тероризам за убиството на генерал-полковник Игор Кирилов. Курбанов се изјаснил за виновен, според бизнис дневниот весник Комерсант, кој цитирал анонимни извори од безбедносните служби.

Руската Федерална служба за безбедност (ФСБ) вчера информираше дека го уапсила осомничениот за убиството на генералот.

Според ФСБ, напаѓачот поставил експлозивна направа при што ги убила двајцата, а акцијата била нарачана од украинските специјални служби. Москва тврди дека на осомничениот му била ветена награда од 100.000 долари и азил во земја од Европската Унија.