Локалните и федералните власти во Лас Вегас истражуваат куќа за која постојат сомнежи дека се користи како биолошка лабораторија и се обидуваат да утврдат за што се работи. Претресот е спроведен во сабота наутро, но истражителите сè уште не знаат точно што пронашле, дознава ABC News од полициски извори.

Истрагата е покрената по пријава за прекршување на прописите. Кога се појавило сомневање дека материјали за биолошки истражувања се нелегално складирани на имотот, случајот го презела Заедничката антитерористичка единица. Според изворите, управителот на тој имот бил уапсен во саботата.

Материјалите пронајдени во ампули се запленети и ќе бидат транспортирани во безбедна здравствена установа во округот за тестирање за да се утврди дали претставуваат опасност. Властите сè уште не утврдиле што точно се материјалите или дали се опасни.

Сопственикот на имотот е кинески државјанин кој е во затвор од 2023 година, кога бил уапсен и обвинет. Тој се изјаснил за невин во тој случај.

Истражителите пребаруваат уште 20 локации за да утврдат дали се поврзани со откритието.