Поглаварот на Католичката црква, папата Лав XIV, издаде силна порака во врска со ескалацијата на насилството во регионите на она што го нарече Христијански Исток, нагласувајќи дека токму „апсурдно и нехумано насилство“ сè повеќе ги погодува светите места.
Во објава на социјалната мрежа X, папата изјави дека светите места се осквернавени од „богохулството на војната и бруталноста на бизнисот“, при што, како што предупреди, човечките животи се занемаруваат и се сведуваат на колатерална штета на лични интереси.
„Но, никаква придобивка не може да биде вредна за животите на најслабите, децата или семејствата. Ниту една цел не може да го оправда пролевањето невина крв“, рече папата.
Тој особено нагласи дека Бог не благословува никаков конфликт и дека оние што го следат Христос не можат да бидат на страната на оние што некогаш користеле меч, а денес фрлаат бомби.
God does not bless any conflict. Anyone who is a disciple of Christ, the Prince of Peace, is never on the side of those who once wielded the sword and today drop bombs. Military action will not create space for freedom or times of #Peace, which comes only from the patient…— Pope Leo XIV (@Pontifex) April 10, 2026
„Воената акција нема да создаде простор за слобода ниту ќе донесе време на мир, што доаѓа исклучиво преку трпеливо зајакнување на коегзистенцијата и дијалогот меѓу народите“, истакна тој.
Папата Лав XIV се осврна и на глобалните економски нееднаквости, нагласувајќи дека стотици милиони луѓе низ целиот свет живеат во екстремна сиромаштија, додека непропорционалното богатство е во рацете на малкумина.
„Тоа е неправедно сценарио кое нè обврзува да се преиспитаме себеси и да се посветиме на промени. Причината за нееднаквоста не е недостатокот на ресурси, туку потребата од порамномерна распределба на богатството, што мора да се постигне со морална смисла и чесност“, заклучи папата.
The post Папата Лав со изненадувачки остар тон: Оние што некогаш носеа меч сега фрлаат бомби, Бог не е на нивна страна appeared first on Во Центар.
