Изутринава патничкиот воз кој сообраќа на линијата Кичево-Скопје удрил во карпа на шините во близина на гостиварските села Лакавица и Падалишта. Нема повредени, но е причинета материјална штета, а сообраќајот на тој дел од пругата е во прекин.
Во полициската станица Гостивар во 6:45 часот утрово било пријавено дека патничкиот воз кој тргнал од Кичево удрил во карпа на потегот помеѓу селата Лакавица и Падалишта. Од ударот композицијата излетала од шините.
По пријавувањето на местото на настанот е упатена екипа за увид.
