Поранешната манекенка Паулина Поризкова (61) се омажи за сценаристот Џеф Гринштајн на 3 јули во вилата Креспи во Италија, а вниманието го привлече со својата одлука да не носи традиционален бел фустан на свадбата.
Порижкова, за која ова е втор брак, објасни за „Вог“ дека одлуката не е поврзана со симболиката на белата боја, туку со нејзиното долгогодишно искуство во модната индустрија.
Имено, во текот на 1980-тите, таа често носеше венчаници како модел, се појавуваше на насловните страници на списанието Brides и беше лице на кампањата за мирисот Beautiful на брендот Estee Lauder.
[INSTAGRAM]Da0c8QPjs-z[/INSTAGRAM]
За својата свадба, таа го ангажираше њујоршкото модно ателје „Хаус оф Жил“, кое го водат Жил Мендел и неговата ќерка Клое Мендел Корган, за да дизајнира поперсонално парче за неа.
„Сакав бојата да биде необична. Нешто неописливо и несфатливо, за да не можете да кажете „таа носеше жолт фустан“ или „таа носеше розов фустан““, призна таа.
Како инспирација таа го наведе синиот фустан на Грејс Кели од филмот „Да се фати крадец“ и креацијата што ја носеше Лорен Хатон на Оскарите во 1975 година. На крајот, дизајнот комбинираше тесна силуета и лесна, воздушеста ткаенина, а Порижкова ја замоли креаторката материјалот да „тече како вода“.
https://www.instagram.com/p/Da0cSjWRDjS/?utm_source=ig_web_button_share_sheet
Таа носеше само еден пар обетки во форма на солза, подарок од нејзините синови за нејзиниот 60-ти роденден, заедно со превез и цвет од истиот материјал во косата. Гринштајн имаше син волнен костум изработен по нарачка за таа пригода, а двојката се запозна преку апликација за запознавање во 2023 година и се сврши во Чешка во јули 2025 година.
Пронајдете не на следниве мрежи:
