Пендаровски – средба со Жбогар, пораки за помирување

Денес во “Вила Водно“ новиот претседател Стево Пендаровски ќе има средба со шефот на Делегацијата на Европската Унија, Самоел Жбогар. На првиот работен ден Пендаровски на Фејсбук упати пораки за граѓанско помирување и залекување на отворените рани од скорешното минато.
– Време е да ги залечиме отворените рани од нашето скорешно минато и реално да го започнеме граѓанското помирување, затоа што немаме резервна татковина која можеме да ја наречеме наш дом. На тој пат сакам да се вложам без остаток, не водејќи сметка за сопствениот политички рејтинг. Сите добронамерни луѓе, политичари и партии што ќе решат да одат по истиот тој пат ќе ја имаат мојата поддршка, порача на Фејсбук новиот претседател.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.