Петгодишно дете го украло автомобилот на родителите

Полицијата во американската сојузна држава Јута запрела петгодишно момче кое го возело автомобилот на своите родители. Сакал да стигне до Калифорнија и да си купи Ламборгини.
Возилото било запрено поради попречување на сообраќајот.
Прво што сообраќајните полицајци го прашале момчето било – колку години има и каде научил да вози? Тој, всушност, седел на работ од возачкото седиште, заради попрактично возење – за да може со ногата да стигне до сопирачките.
Детето по име Адријан, в џеб имало три долари, а на полицијата ѝ кажал оти ѝ се налутил на својата мајка, која не сакала да му купи Ламборгини, кое инаку, чини над 200.000 долари.
При овој настан никој не е повреден, а детето е безбедно вратено кај родителите. Локалните власти допрва ќе одлучат дали против родителите на детето ќе биде поднесена пријава.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.