Владата на Јужна Африка соопшти дека нема да им помогне на илегалните рудари заробени во рудник во северозападната провинција, откако полицијата ги блокираше влезовите и ја запре испораката на основните потреби за да се спречи нелегално ископување. Околу 4.000 рудари се наоѓаат во рудничка јама во Стилфонтејн, каде што се верува дека им снемува храна, вода и други основни животни ресурси, објави АП.

Полицијата ги затворила влезовите во рудникот за да ги спречи рударите да го спречи снабдувањето на рударите и да ги присили да излезат на површината и да бидат уапсени. Оваа акција е дел од операцијата Вала Умгоди (Затвори ја дупката), која има за цел да го прекине снабдувањето и да ги принуди рударите да престанат со нелегалното рударство.

Портпаролот на полицијата во северозападната провинција Сабата Мокгвабоне рече дека се проценува дека во јамата има до 4.000 рудари, но полицијата сè уште не дала официјална проценка.

Во последниве недели, повеќе од 1.000 рудари ги напуштија рудниците низ северозападната провинција, многумина исцрпени и болни по месеци без храна и вода.

Од Претседателството велат дека Владата нема да испраќа помош за рударите, бидејќи ги смета за криминалци.

– Не им испраќаме помош на криминалците. Ќе ги натераме да излезат. Не ги испративме таму – е наведено.

Нелегалното ископување е вообичаено во Јужна Африка, особено во старите рудници за злато.