Денес во Шри Ланка повеќе од 100 луѓе биле убиени, а десетици ранети во повеќе експлозии на неколку локации, вклучувајќи и цркви во главниот град Коломбо каде што верниците присуствуваа на велигденските служби. Извештаите велат дека експлозии имало и во три хотели во Коломбо. Експлозиите во хотелите „Синамон Гранд”, „Кингбари” и „Шанги-Ла„ во центарот на Коломбо ги потврдија и две туристички агенции чии гости престојувале во овие објекти.
До сега никој не ја презеде одговорноста за нападите.
