Најмалку 18 лица се повредени во силно невреме, проследено со град со големина на портокал, што вчера го зафати италијанскиот град Пескара. Повредените со повреди на глава и модринки се пренесени во болница. Во невремето во близина на Равена паднале двестегодишни борови дрвја, а поплавени се и делови на Ромања и Абруцо. По бурата во Пескара на неколку локации улиците се претворени во реки. Патот над градот е напукнат, поради што градоначалникот Карло Масци испрати итна помош на местото на настанот.
– Особено сум загрижен поради силните дождови, бидејќи можат да предизвикаат нови поплави и лизгање на земјиштето во Италија, изјави метеорологот Тајлер Роуз.
Бурата во централниот дел на Италија исто така може да предизвика проблеми и на патиштата. Според метеоролозите денас се очекува ново невреме во јужна и југоисточна Европа.

 

Пронајдете не на следниве мрежи:

• 
• 
• 
• 
• 
•