Раководството на англиската Премиер лига издаде официјално соопштение откако голот на Ерлинг Халанд во дербито на Манчестер Сити предизвика бурни реакции и жестока дебата меѓу навивачите.
Напаѓачот на Манчестер Сити ја затресе мрежата во 60-тата минута од натпреварот, со што му донесе водство на својот тим. Голот првично беше поништен на теренот поради офсајд, но по проверката на ВАР, таа одлука беше поништена и голот беше примен.
| GOAL: ERLING HAALAND OPENS THE SCORING FOR MANCHESTER CITY!GOAL STANDS AFTER VAR CHECK!Manchester United 0-1 Manchester City. pic.twitter.com/dhyhjEexvi— TheGoalsZone (@TheGoalsZone) September 13, 2026
Овој исход предизвика негодување кај дел од јавноста кои се убедени дека правилото за офсајд не било правилно применето, поради што Премиер лигата издаде појаснување:
„VAR ја провери одлуката на судијата од теренот и утврди дека Халанд бил во легална позиција и препорача голот да биде примен. Исто така, VAR процени дека Фернандез, иако бил во офсајд позиција, не ја играл топката ниту влијаел на играта.“
Според важечките правила на Премиер лигата, играч во офсајд позиција ќе биде санкциониран ако активно го спречи противникот да игра или ја негира можноста за играње со топката со попречување на видното поле, се вклучи во дуел за топката со противникот или направи очигледен потег што директно влијае на способноста на противникот да реагира.
#MUNMCI – 59’ VAR OVERTURNVAR checked the referee’s call of no goal for offside – and determined that Haaland was in an onside position and recommended that the goal was awarded.The VAR also deemed that while in an offside position, Fernandez didn’t play the ball. pic.twitter.com/TyTip3ACIh— Premier League Match Centre (@PLMatchCentre) September 13, 2026
Во овој случај, судиите во ВАР просторијата проценија дека немало такво влијание.
Инаку, исклучително напнатото дерби на Манчестер беше полно со контроверзии и пред овој момент, со оглед на тоа што Манчестер Сити остана со играч помалку во првото полувреме откако Фил Фоден доби црвен картон, а на крајот Граѓаните славеа со резултат од 1:0.
The post Погледнете го контроверзниот гол на Халанд и официјалното објаснување на Премиер лигата зошто е признаен (фото/видео) appeared first on Во Центар.
