Пана Кота на италијански значи „варен крем“, што ја опишува едноставноста на овој десерт. Тајната на овој десерт лежи во текстурата.
Идеалната панакота е свиленкаста, а секој залак се топи во устата, оставајќи кремаст вкус. Основата на панакота е направена од слатка павлака, млеко, шеќер и желатин, а често се додава ванила за подобар вкус.
Потребни состојки:
330 милилитри шлаг, 250 милилитри полномасно млеко, 50 грама шеќер, 10 грама желатин во прав, една лажица екстракт од ванила
Подготовка:
Истурете четири лажици ладно млеко во мал сад и посипете го желатинот во прав по површината. Оставете го желатинот да отстои пет до десет минути.
Преостанатото млеко и павлака истурете ги во тенџере, додадете го екстрактот од ванила и шеќерот. Загрејте ја смесата на средна температура, мешајќи повремено, додека шеќерот не се раствори и смесата не стане жешка. Потоа тргнете го тенџерето од оган и додадете го желатинот и мешајте додека целосно не се раствори.
За дополнителна мазност, процедете ја смесата низ ситно цедалка. Оставете ја смесата да се олади на собна температура пред да ја истурите во калапи и чаши. Поделете ја смесата во шест садови, покријте ја со проѕирна фолија и ставете ја во фрижидер најмалку четири часа, по можност преку ноќ, додека панакотата целосно не се стегне.
Можете да додадете сос од малина, јагода или шумско овошје, па дури и чоколадо, во овој десерт, доколку сакате.
