Поранешниот амбасадор на Соединетите Американски Држави (САД) во Боливија е обвинет дека со децении работел како таен агент за Куба.
Станува збор за Виктор Мануел Роча (73 г.), кој во своите разговори ги нарекувал САД – „непријател“ – додека работел, како што рекол, на – „јакнење на револуцијата“. И сето тоа од 1981 година.
Неговата последна амбасадорска позиција беше во Боливија, но Виктор Мануел Роча е искусен дипломат кој ја претставуваше Владата на САД на различни позиции во Аргентина, Хондурас, Мексико и Доминиканската Република. Своевремено тој бил и член на Советот за национална безбедност на САД.
Тој беше во Боливија од 1999 до 2002 година.
„Тој беше кубански агент повеќе од 40 години, а неговата дипломатска кариера му овозможи пристап до нејавни информации и способност да влијае на надворешната политика“, велат американските обвинители во обвинението.
Според јавниот застапник на Мерик Гарланд, случајот на Виктор Мануел Роча претставува најдолготрајна и највисоко пласирана инфилтрација на странски агенти во американската Влада.
Виктор Мануел Роча е уапсен во петокот во Мајами, откако бил под истрага и придружба една година. Виктор Мануел Роча е роден во Колумбија, а израснал во Њујорк, каде што ги посетувал престижните универзитети „Јеил“, „Харвард“ и „Џорџтаун“.
Според судските документи кои не беа запечатени за јавноста во понеделникот, Виктор Мануел Роча направил неколку патувања во Куба од 1981 година до денес.
Во ноември 2022 година, таен агент на ФБИ контактирал со Виктор Мануел Роча преку платформата за размена на пораки – WhatsApp, претставувајќи се како претставник на кубанското разузнавање.
Виктор Мануел Роча рекол дека имал порака од „пријател од Хавана“. Виктор Мануел Роча се согласил да се сретне со агентот неколку пати, а еднаш побарал да се сретне на одредено место наведувајќи дека – „никој сигурно нема да го види таму“.
За време на три средби со тајниот агент, Виктор Мануел Роча сподели многу детали за неговата работа за кубанската Влада.
„Знаев точно што да правам, а кубанската агенција ме поддржа… Тоа е долг процес и не е лесно“, му рекол тој на агентот.
Виктор Мануел Роча постојано зборувал за работата за Куба како „наша работа“, а ја споменувал и желбата да се заштити сето она што е досега постигнато.
Кога тајниот агент го прашал дали се уште е со нив, Виктор Мануел Роча одговорил дека прашањето го налутило.
„Тоа е исто како да ми поставувате прашање дали сум маж“, рекол тој.
Во интервјуата, Виктор Мануел Роча се нарекувал себеси како шеф во ерата на соборувањето на малите авиони.
Според досиејата на обвинителството, станува збор за кубанското соборување на два невооружени авиони на организацијата „Brothers for Help“, а било насочено против Фидел Кастро и неговото семејство.
Во несреќата загинале четири лица, а сето тоа се случило во 1996 година, кога работел во Хавана.
Пронајдете не на следниве мрежи:
