Дел од бугарските медиуми објавија дека во авионската несреќа што вчера се случи кај Солунска Глава загинаа бугарските државјани Георги Бошнаков, неговата сопруга Калина и нивните две ќерки.
– Авионот “Цесна“ за кој во 16:16 часот беше пријавено дека се изгубил од радар, а полетал од Охрид за Софија од припадници на МВР е пронајден нешто по 19 часот на околу пет километри северозападно од Солунска глава“, информира портпаролот на МВР Тони Ангеловски.
Загинатите лица се родени 1970, 1972, 2000 и 2005 година. Бидејќи остатоците од авионот се лоцирани на непристапен терен и голема височина, потрагата продолжува денес.
