– Познат како правник и религиозна личност, иранскиот претседател Ебрахим Раиси, кој загина во хеликоптерска несреќа вчера, е роден на 14 декември 1960 година во Машхад.По револуцијата во 1979 година тој ја започна својата кариера како обвинител во 1981 година.Брзо издигнувајќи се на својата позиција, Раиси стана заменик-јавен обвинител на Техеран на возраст од 25 години.Раиси беше дел од 4-члениот комитет што, под инструкции на иранскиот револуционерен водач, ајатолахот Рухолах Хомеини, издаде смртни казни за противниците на режимот затворени во 1988 година.По смртта на Хомеини и за време на мандатот на Али Хамнеи, Раиси брзо напредуваше на позициите. Тој беше главен обвинител на Техеран од 1989 до 1994 година.Во 1994 година Раиси беше назначен за раководител на Организацијата на Државниот инспекторат, а функцијата ја извршуваше десет години.Во 2004 година Раиси беше назначен за прв заменик-шеф на судството. Тој подоцна стана државен обвинител на Иран во 2014 година, а во 2016 година Хамнеи го назначи за шеф на светилиштето и фондацијата Имам Реза во Машхад.Раиси се кандидираше и на претседателските избори одржани на 19 мај 2017 година, но загуби од тогашниот претседател Хасан Рохани.Откако Хамнеи го разреши ајатолахот Амоли Лариџани од позицијата шеф на правосудството и го назначи за шеф на Советот за оцена на експедитивност, Раиси го презеде празното место шеф на правосудството во март 2019 година.На претседателските избори одржани на 18 јуни 2021 година Раиси победи со голема разлика, обезбедувајќи 62 отсто од гласовите, со што стана осми претседател на Иран.Иранскиот претседател Ебрахим Раиси, министерот за надворешни работи Хусеин Амир-Абдулахијан и други високи функционери беа прогласени за мртви утринава по ноќната операција за пребарување што беше отежната од лошите временски услови.