Полицијата соопшти дека во саботата при контрола се утврдени серија неправилности во угостителски објект во Свети Николе поради што веднаш бил затворен.

Угостителскиот објект се наоѓал во дивоградба и така си функционирал и служел гости и муштерии.

Откриено е и дека нема ниту план за евакуација при пожари ниту доволен број хидранти и ПП апарати ниту проценка и план за заштита од пожари ниту противпожарен аларм. Покрај тоа, во објектот служеле и работеле непријавени лица.

Во контролата покрај полицајци учествувале и пазарни, трудови, општински и инспектори од Дирекција за заштита и спасување.

Соопштението на МВР во продолжение:

На ден 12.04.2025 година од страна на полициски службеници од ОВР Свети Николе во соработка со претставници од ДПИ, ДТИ, ДСЗ, каки претставници на локални институции извршена е контрола на угостителски објект во Свети Николе сопственост на лицето А.К. при што биле констатирани низа неправилности: неисполнување минимално технички услови за работа, непријавени вработени, непоседување на проценка, план, правилник и елаборат за заштита од пожари, немање систем за детекција за дојава од пожари, немање план за евакуација, немање хидранти и доволен број на ПП апарати согласно и друго. Констатирано било и дека објектот е дивоградба односно нема градежна дозвола и се наоѓа на земјоделско земјиште.На сопственикот му е издадено решение за забрана користење на објектот.