Научниците предупредија дека консумирањето два вида популарна храна може да го забрза процесот на стареење, дури и кај младите, пишува „Експрес“. Новата студија на повеќе од 800 луѓе открила врска помеѓу квалитетот на исхраната и биолошкото стареење.
Поточно, тим од Универзитетот во Финска откри дека лошата исхрана, вклучувајќи големи количини брза храна, преработено месо и газиран пијалок, но ниски количини на овошје и зеленчук, може да доведе до забрзано биолошко стареење.
Спротивното е откриено кај оние кои јаделе многу овошје и зеленчук и го ограничиле внесот на преработено црвено месо.
За потребите на студијата, објавена во списанието Clinical Nutrition, биолошката возраст била измерена со помош на она што е познато како епигенетски часовници, алгоритми кои можат да го проценат здравјето и животниот век, дури и на млада возраст, пред клиничките манифестации на болеста.
– „За превенција на болести, важно е да се истражи врската помеѓу исхраната и здравјето уште од рана возраст пред да се појават клинички знаци на болести поврзани со возраста. Општо земено, диетите кои нагласуваат поголема потрошувачка на овошје и зеленчук и помал внес на месо, брза храна и засладени со шеќер пијалоци се поврзани со побавно биолошко стареење. Диетите со малку овошје и зеленчук се поврзани со брзата храна, објаснуваат авторите на студијата.
Преку понатамошно експериментирање, тимот додал уште неколку варијабли во студијата, како што се индексот на телесна маса (БМИ), вкупниот внес на енергија, нивото на физичка активност, внесот на алкохол и пушењето.
После тоа, врската помеѓу исхраната и биолошкото стареење станала помалку јасна, што укажува на тоа дека факторите како редовната физичка активност може донекаде да ја компензираат лошата исхрана, пишува, Б92.нет.
Пронајдете не на следниве мрежи:
