Водачот на сириските бунтовници и џихадисти, Ахмед ал-Шара, попознат по неговото име Абу Мохамед ал Џолани, повика на укинување на меѓународните санкции против Сирија во ексклузивно интервју што го даде за група странски новинари во понеделникот.Облечен во јакна и бела кошула, Ахмед ал Шара, водачот на исламистичката група Хајат Тахрир ал-Шам (ХТС), ја изложи својата визија за Сирија по соборувањето на Башар ал Асад во зградата на сириската влада во Дамаск.
#Syrie la discussion n’a pas été filmée ni enregistrée, l’essentiel @FRANCE24 bientôt https://t.co/E805nR7hvS pic.twitter.com/8XszCOFkqS— Wassim Nasr (@SimNasr) December 16, 2024
Лидерот на бунтовничката коалиција која дојде на власт во Сирија изјави дека обновата на неговата земја разурната од војна е негов главен приоритет и дека укинувањето на меѓународните санкции е од суштинско значење. Беа воведени санкции за „џелатот“ на сирискиот народ, рече Шара, мислејќи на Асад.– Ние Сиријците, жртвите, сме казнети за постапките на нашиот џелат, кој повеќе не е со нас Бараме помош од меѓународната заедница за гонење на криминалците на режимот на Асад и за враќање на украдените пари од Сиријците – рече тој.

За време на интервјуто, кое траеше речиси еден час, Шара одговараше на прашања за иднината на државата, армијата, односите со соседните земји и очекувањата од меѓународната заедница, објаснува за „Франс 24“ новинарот Васим Наср од Дамаск.-Интервјуто беше организирано и со други странски новинари, имаше некои услови, не можеше да се снима, но можевме да му поставуваме прашања и да известуваме за тоа што ни кажа јавно – рече Наср.