Петтото издание на Скопскиот поетски фестивал ќе се одвива од 24 до 26 април на различни локации во Скопје, вклучувајќи ги Младинскиот културен центар во Скопје (кино „Фросина“ и галеријата), кафе-книжарницата „Буква“ и Филолошкиот факултет „Блаже Конески“. На фестивалот ќе учествуваат поети од пет земји: Словенија, Турција, Грција, Србија и Бугарија, како и околу триесетина домашни автори. Тема на ова издание е „Од ритам до алгоритам“, со која се прославуваат не само петте години на фестивалот, туку и 80 години од кодификацијата на македонскиот јазик. Постерот го изработи Андреј Павлов.
Настанот ќе започне на 24 април во Младинскиот културен центар – Скопје, со разни културни активности како поетски читања, музички перформанси, промоции на книги и работилници за креативно пишување. Пред да започне фестивалот, на 12 април, ќе има настан за млади поети „Отскочна даска #4“ во кафе-книжарницата „Буква“.
Фестивалот е поддржан од Министерството за култура и Традуки, со дополнителна поддршка од Младинскиот културен центар – Скопје, кафе-книжарницата „Буква“, Филолошкиот факултет „Блаже Конески“, „ПНВ Публикации“ и хотел „Цара 1928“. Ве чекаме со нетрпение!
The post Почеток на 5. Скопски поетски фестивал на повеќе локации во Скопје appeared first on 365.mk.
