Во Операта и балетот на Македонскиот народен театар учествувал од нивното формирање. Таму го поминал целиот работен век до своето пензионирање. Работел како виолинист, а набрзо станал прв концерт-мајстор и таму останал повеќе од 30 години. Имал чест и привилегија да соработува со плејада светски диригенти, како што се: Ловро Матачиќ, Игор Маркиевиќ, Карло Цеки, Бенвенути Корадо, Теодор Вавајанис, Фабијан Севицки, Сергиу Челибидаке, Зубин Мехта, Клаудио Абадо и многу други.
Соработката со врвни светски диригенти придонела Николовски да стекне врвно уметничко искуство и огромен репертоар од областа на операта и балетот. Во неговата уметничка дејност посебно место зазема интензивното негување на камерната музика и се истакнува како водач на квинтетот на МОБ и многу други состави.
Посмртните останки ќе бидат изложени во недела од 11 до 12 часот, во капелата на гробиштата Бутел, се наведува во соопштението од МОБ.