Додека новинарската фела и македонската јавност се прашуваа дали е вистина или само шпекулација дека Никос Коѕијас поднел или сакал да поднесе оставка од соседна Грција стигна нова вест.
Грчкиот премиер Алексис Ципрас ја прифати оставката на Никос Коѕијас, министер за надворешни работи и му се заблагодари за неговиот придонес во Владата и за земјата во изминатите 3,5 години, соопштуваат од кабинетот на грчкиот премиер, јави дописничката на МИА од Атина.
Раководењето со Министерството за надворешни работи ќе го преземе премиерот на Грција „за да помогне со сите сили за успешно завршување на Договорот од Преспа“.
