Според руската новинска агенција ТАСС, како дел од постигнатото примирје со САД, Иран ќе дозволи максимум 15 бродови дневно да минуваат низ Ормускиот теснец, клучен нафтен пат меѓу Иран и Оман.
Неименуван висок ирански извор изјави за руската државна новинска агенција ТАСС дека во согласност со договорот за прекин на огнот со САД, Иран ќе го ограничи бројот на бродови што можат да поминат низ Ормускиот теснец на максимум 15 дневно.
Овој тесен морски премин е широк околу 34 километри помеѓу Иран и Оман и овозможува излез од Заливот кон Индискиот Океан.
Ормутскиот теснец е главната поморска рута за приближно една петтина од светските испораки на нафта, како и за други клучни стоки, вклучувајќи ѓубрива и течен природен гас.
Поради својата геостратешка важност, секоја промена во режимот на навигација директно влијае на глобалните енергетски пазари и синџирите на снабдување.
Според објавените извештаи, преминот е во голема мера затворен од крајот на февруари, кога избувна конфликт во регионот.
Ова доведе до силен пораст на цените на нафтата на светските пазари, бидејќи трговците и транспортерите почнаа да го земаат предвид ризикот од ограничен пристап до оваа клучна трговска рута.
The post По прекинот на огнот, Иран ќе го ограничи преминот низ Ормускиот теснец на 15 бродови дневно appeared first on Во Центар.
