Здравственото регулаторно тело на Обединетото Кралство ги предупреди луѓето кои имаат историја на сериозни алергиски реакции, дека засега не треба да ja примаат вакцината на Pfizer против коронавирусот, бидејќи во вторникот две лица имале алергиски реакции, соопшти денеска Националната здравствена служба (NHS).
Двајца членови на NHS кои ја примиле вакцината првиот ден од масовната вакцинација во Обединетото Кралство на Велика Британија и Северна Ирска, добиле алергиска реакција, објави Guardian, повикувајќи се на PA Media.
People with a history of “significant” allergic reactions have been told to refrain from the Pfizer Covid vaccine after two NHS nurses became unwell.
The step is a precaution, and no-one from the 43,000-person trials experienced such reactions. https://t.co/e2LXtqe30S
— The Times (@thetimes) December 9, 2020
Затоа, Здравствениот регулаторен орган (MHRA) предупреди дека секој што има посилни алергиски реакции на лекови, храна или вакцини, не треба да ја прима вакцината на Pfizer/BioNTech.
NHS ги извести сите пунктови за вакцинација во Англија за ова предупредување.
Тоа значи дека секој што е на програмата да прими вакцина денес, ќе биде прашан дали претходно имал проблеми со алергиски реакции. Професорот Стивен Пауис, еден од директорите во NHS за Англија, рече дека „MHRA даде ваков совет како мерка на претпазливост, бидејќи две лица добија алергиска реакција во вторникот“.
„Тие две лица добро се опоравуваат“, додаде тој.
Обединетото Кралство е прва земја во светот што ја одобри употребата на вакцината на Pfizer/BioNTech, додека САД сè уште не го сториле тоа.
