Германскиот канцелар Олаф Шолц во петокот иницираше телефонски разговор со рускиот претседател Владимир Путин. Разговорот, според извештаите, траел околу еден час и бил фокусиран на различни аспекти од војната во Украина.Шолц, кој се соочува со предвремени избори во февруари по падот на коалициската влада, го повика Путин да преговара со Украина за да се постигне „праведен и траен мир“, изјави владиниот портпарол Штефен Хебстрајт.Тој, исто така, ја изрази поддршката на Германија за Украина „сè додека е потребно“, ги осуди руските напади врз украинската инфраструктура и предупреди дека распоредувањето на илјадници севернокорејски војници на руска територија за да се одбие украинската офанзива на Курск ќе претставува ескалација.Путин изјави дека сегашната криза е директен резултат на агресивната политика на НАТО. Кремљ го опиша разговорот како „детална и искрена размена на мислења“.„Можните договори мора да ги земат предвид интересите на Руската Федерација во областа на безбедноста, да тргнат од новите територијални реалности и што е најважно, да ги отстранат основните причини за конфликтот“, рече рускиот претседател. Путин и Шолц, наводно, разговарале и за билатералните односи, при што Путин истакнал дека Москва останува подготвена за „заемна корисна соработка“, вклучително и трговија со енергија, доколку Берлин го дели истиот став.Поканата, се разбира, е многу значајна и претставува извесна пресвртница во војната, но и во политиката на Западот, кој до сега строго се придржуваше до изолацијата на рускиот претседател. Шолц сега го запре, а Зеленски предупредува дека со тоа ја отворил „Пандорината кутија“.Шолц, како што тврдат од Берлин, зазел цврст став за поддршка на Украина, но самиот факт што тој го иницирал разговорот со Путин доволно зборува. Се разбира, тој се подготвува и за претстојните избори и е свесен дека голем број Германци не поддржуваат продолжување на војната во Украина. Шолц се подготвува и за доаѓањето на Трамп, со кого разговараше за Украина на крајот на минатата недела.Самиот повик нема значително да влијае на динамиката на војната, но секако навестува одредена промена која се чувствува од 5 ноември, односно откако Трамп постигна силна победа на претседателските избори.Победата на Трамп на минатонеделните претседателски избори во САД предизвика загриженост дека тој би можел да ја повлече значајната поддршка на Вашингтон за Украина по враќањето во Белата куќа. Шолц, кој разговараше со Трамп по телефон во неделата, вчера за весникот „Зидојче цајтунг“ изјави дека неговиот разговор со новоизбраниот претседател бил „можеби изненадувачки, многу детален и добар разговор“. Запрашан дали Трамп ќе направи договор заобиколувајќи ги Украинците, Шолц рече дека Трамп не дал „никаква индикација“ дека ќе го стори тоа. Германија, од своја страна, не би прифатила „мир по диктат“, додаде Шолц.