Двајца гевгеличани биле приведени откако при претрес во викенд куќи во гевгелиското село Ума, била пронајдена ловечка пушка и муниција.
МВР информира дека вчера полициски службеници од Одделот за криминалистичка полиција – Сектор за недозволена трговија со дрога и оружје, Регионалниот центар за гранични работи Југ и СВР Струмица – ОВР Гевгелија, во рамки на заедничка и координирана акција за спречување на прекуграничен криминал и со наредба од гевгелискиот Основен суд, извршиле претрес во викенд куќи и други простории во село Ума, гевгелиско, сопственост на гевгеличаните М.П.(67) и Б.П.(60).
-При претресот, во викенд куќата на Б.П. била пронајдена и одземена една ловечка пушка калибар 12 мм и седум патрони за неа. Двајцата биле повикани во полициска станица и со нив бил извршен службен разговор. По целосно документирање на случајот ќе следи соодветна пријава, известуваат од полицијата.
