Во сериозна железничка несреќа што се случи во недела попладне во градот Адамуз, во покраината Кордоба, загинаа најмалку 39 лица, додека голем број патници беа повредени, објавува весникот „Ел Паис“.
Според последните информации, околу 170 лица се повредени, од кои 75 се згрижени во болници. Петнаесет повредени се во тешка состојба, меѓу кои и четири деца.
Судир на два брзи возови
Несреќата се случила кога неколку вагони од брзиот воз „Ирио“, кој сообраќал на линијата Малага-Мадрид со околу 300 патници, излетале од шините и се судриле со воз на „Алвија“, кој сообраќал во спротивна насока кон Хуелва со 184 патници.
#BREAKING: Interior footage from a high-speed train derailment shows passengers waiting to be evacuated in Adamuz, Córdoba, Spain.#Spain pic.twitter.com/SjaCe12S8G— JUST IN | World (@justinbroadcast) January 18, 2026
По судирот, неколку вагони од вториот воз паднале по насип висок околу четири метри, што уште повеќе го отежнало пристапот на спасувачките екипи, објави андалузискиот министер за претседателство.
Истрага за причините за несреќата
Шпанскиот министер за транспорт, Оскар Пуенте, ја опиша трагедијата како „исклучително чудна“, нагласувајќи дека несреќата се случила на рамен дел од железничката пруга, која беше реновирана во мај годинава.
Tragedy in southern Spain: a high-speed train derailed, crossed tracks, and hit another train head-on.More than 21 reportedly killed, and at least 100 injured, with 25 suffering critical injuries.Rescue operation is going on. We wish everyone a speedy recovery #Spain |… pic.twitter.com/3QkWklkGUn— Sharadh Shama Sharma ( Professor ) (@PyaraBetaa) January 19, 2026
Сè укажува дека истрагата ќе мора детално да испита како се случила таква трагедија на технички исправен дел – рече Пуенте, додавајќи дека очекува причините наскоро да бидат разјаснети.
Државниот врв реагираше
Претседателот на регионалната влада на Андалузија, Хуан Мануел Морено, го посети местото на несреќата во недела навечер.
– Утре ќе имаме посигурни податоци, како за бројот на жртви, така и за бројот на повредени – рече Морено.
This happened in the train-line of my hometown yesterday.Today there has been a major accident involving two trains where over twenty people died.Spain is a third world country. pic.twitter.com/uaEJjLK78x— Ada Lluch (@ada_lluch) January 19, 2026
Поради обемот на трагедијата, премиерот Педро Санчез ги откажа сите обврски за понеделник, вклучително и планираната средба со лидерот на опозицијата Алберто Нуњез Феиха.
Несреќата е една од најлошите железнички трагедии во Шпанија во последните децении и го покрена прашањето за безбедноста дури и на најмодерните железници во земјата.
The post Пристигнуваат морничави снимки од Шпанија! Претседателот итно проговори: Се случи нешто многу чудно appeared first on Во Центар.
