Вести

Прогласена епидемија на голема кашлица во Скопје, се препорачува да не се примаат невакцинирани деца во градинките

Напишано од Леонардо на

Повеќе во Вести:

Комисијата за заразни болести одлучи да препорача прогласување на епидемија на голема кашлица на територија на градот Скопје. Според д-р Александар Петличковски, претседател на КЗБ, прогласување на епидемија не звучи страшно, но реално треба да олесни во справување со ризикот кој доаѓа.

Според информациите, има нови 18 потврдени случаи со голема кашлица на територија на цела држава, од кои 14 на територија на главниот град.

Петличковски вели дека клучните активности треба да бидат насочени на пополнување на промашените вакцини. Треба да се поправи тоа што е промашено, додаде Петличковски.

-Препорачуваме забрана за прием на невакцинирани деца во градинка за голема кашлица. Очекуваме овие мерки да го поттикнат интересот за вакцинација. Фокусот е да се заштитат најмалите, рече претседателот на КЗБ.

Според Петличковски, заразноста не е долга и трае неколку дена, а инкубацискиот период може да се движи од 7 до 21 ден.

Пронајдете не на следниве мрежи:©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.