Како што дознава Алмакос од потврдени извори во Министерството за надворешни работи на Македонија, тројца руски дипломати неодамна се прогласени за нон грата, односно ќе бидат протерани од нашата земја поради кршење на дипломатскиот код поради нивна сомнителна активност.
Имињата на протераните Руси, се политичките советници И.Хропјачков, А.Рождевсдвенски, како и аташето С.Попов, кој според изворите на Алмакос извршиле несоодветни дипломатски дејствија.
Од информациите добиени од надлежните органи, овие лица вршеле дејствија што се спротивни на Виенската конвенција за дипломатски односи и во следните пет дена ќе треба да ја напуштат територијата на Република Македонија.
Алмакос дознава и дека други специјализирани безбедносни органи го протерале свештеникот на Руската црква В.Змеј.
Дипломатската војна што Русија се обидува да ја прошири на Македонија се засили особено по членството на Македонија во НАТО.
Пронајдете не на следниве мрежи:
