Протестот на голем број граѓани од српска националност го иницираше одлуката за воведување такса од 100 насто на производите увезени од Србија, но и денешните апсења во северна Митровица, јави дописникот на МИА од Приштина.
На излезот од северна Митровица формирана е колона долга неколку километри од граѓани кои се упатија кон Рударе, местото каде што се организира протестот. Мирни протести се најавени на уште три локации, во Зупче и на граничните премини меѓу Косово и Србија, Јариње и Мердаре, а забележително е и присуството на припадници на косовската полиција, која го обезбедува протестот.
Исто така и единици на меѓународните сили на Косово, КФОР, денеска се распоредени во близина на протестите на косовските Срби, а според косовските медиуми, силите на КФОР се ставени во состојба на зголемена борбена готовност.
Пронајдете не на следниве мрежи:
