вторник, 17 ноември 2026
Најново

Протест поради конфискација на возила за возачи без дозвола: МВР предупредува на мерки (видео)

Претпочитан извор Додај го Пулс24 во твоите извори на Google Додај

Стотици граѓани засегнати од мерката за одземање возила за возење без положен возачки испит протестираа во Штип, Кочани, Струмица, Прилеп, Битола и Ресен, поради одземањето на нивните возила, согласно член 297 од Кривичниот законик за „невнимателно управување со моторно возило“.

Во Штип, група граѓани запалиле гуми на улицата, по што Противпожарната служба интервенирала за гаснење на пожарот и нормализирање на ситуацијата.

ПУЛС24.МК - 14 ГОДИНИ

Во Кочани, граѓаните се собраа во населбата Трајаново Трло. Во Битолско, главниот пат за Ресен беше блокиран, во близина на населбата Баир, додека протестот продолжи и денес низ улиците на градот. Заеднички мотив на сите протести е незадоволството од конфискацијата на возилата, кои, според граѓаните, биле нивно главно средство за работа и извор на егзистенција за нивните семејства.

Министерството за внатрешни работи соопшти дека немало нарушување на јавниот ред и мир во синоќешните протести, но во координација со Јавното обвинителство презема мерки и активности за понатамошно постапување.

Поврзани вести