Проштална средба Заев – Бејли

Нашата земја и САД на најдобар можен начин го потврдија стратешкото партнерство, порача премиерот Зоран Заев на вечерашната проштална средба со амбасадорот на Соединетите Американски Држави Џес Бејли.
Премиерот Заев, информираат од владината прес-служба, на средбата ја изрази неговата лична, благодарноста на Владата и на граѓаните на нашата земја за активниот придонес на амбасадорот Бејли за време на неговиот мандат, во еден исклучително значаен период кога поддршката на САД, како стратешки партнер на Република Северна Македонија, беше од огромна важност во процесите за нашето членство во ЕУ и НАТО.
Амбасадорот Бејли, од своја страна, истакна дека му е особено драго што за време на неговиот мандат, со решавање на спорот со Грција и со Договорот од Преспа, Република Северна Македонија направи историски исчекор за кој беше неопходно покажаното лидерство на челните луѓе на владите на двете земји, што САД и претседателот Трамп, го оценија како значаен придонес за постабилна и попросперитетна иднина на двете земји и за целиот регион.
На оваа проштална средба, премиерот Заев на амбасадорот Бејли му подари фотографија со посвета од една од нивните бројни меѓусебни средби, во знак на сеќавање за извонредната соработка.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.