Писмото на наводниот син на Шабан Шаулиќ:
– Господине Шабан, не знам како да го започнам ова писмо и не знам како да ви се обратам. Ви пишувам од далечната Америка, од Колорадо, таму каде некогаш одмна сте запознале една Ана. Е, па јас сум нејзин син, и ваш син. Не сакам да мислите дека ви се јавувам затоа што ми треба нешто од вас, само имав потреба да ви кажам дека сум жив, здрав и дека постојам. Вие не сте за ништо виновен, јас ништо не ви забележувам. Ве молам да ми простите ако ве вознемирив. Сакав само да ви се јавам. “Се најдобро, тато!“
Откако кралот на народната музика, Шабан Шаулиќ трагично го изгуби животот, се дозна дека минатата година, наводно неговиот вонбрачен син кој никогаш не го запознал, се самоубил пукајќи си во глава, а се открил негов пријател од Америка.
– Сакам да ви раскажам што слушнав. Александар е роден и живеел во Колорадо, а неговата мајка Ана била во кратка врска со Шабан Шаулиќ. Таа добила дете и сама го одгледувала, додека не се омажила за еден добар човек. Александар подоцна го променил своето име и го земал презимето на својот очув, Милер. Неговата мајка и се доверила на мојата сопруга дека всушност тоа е дете на Шабан, но дека таа пејачот никогаш повеќе не го видела ниту го слушнала. Всушност не ни сакала да му каже. Го родила детото и дури пред неколку години, откако починала, нејзиниот син од мојата сопруга дознал за таа приказна. Тогаш малку се збунил, но не пројавил никаква желба да го пронајде, наводно вистинскиот татко. Живееше мирно и пристојно, никој не знае зошто дигнал рака на себе, се зборуваше дека дознал оти е болен и дека затоа го сторил тоа, раскажал изворот за “Свет“.
– Никој не знаеше дека поседува оружје. Отсекогаш беше добар човек, го најдоа облеан во крв како лежи во дневната соба. Никогаш не се ожени, немаше ниту деца. Мајка му ја изгуби по доживеан мозочен удар, тешко го поднесе тоа, а очувот се уште е жив. Работеше како келнер, постојано менуваше локали, но имаше пари за нормален живот. Неговата мајка Ана по потекло е од Србија, а во Америка дојде многу млада. Шабан го сретна во времето кога тој доаѓаше на турнеи по Америка, страсно се вљубила и, наводно забременила. Долго од сите криела чие е детето, и се доверила само на една пријателка. Тоа некако се прошири во нашите кругови, но ретко кој и веруваше затоа што немаше никаков доказ освен заеднички фотографии од концерт, што реало ништо не докажува. По смртта на неговиот син го најдовме писмото кое го напишал за својот татко, но очигледно стравот и сомнежот го спречиле и да му го испрати. Ние сме неизмерно тажни што загубивме добар човек и пријател, додава изворот.
Пронајдете не на следниве мрежи:
