Рускиот претседател Владимир Путин му честиташе на Доналд Трамп за неговиот избор за претседател на САД.
Путин рече и дека е подготвен за контакт со Трамп.
Како што рече, не му е проблем самиот да му се јави.
Тој посочи дека заслужуваат внимание изјавите на Трамп за време на изборната кампања во врска со обновувањето на односите со Русија.
„Можете да го погледнете Трамп на различни начини, но тој е храбар човек, неговото однесување во моментот на атентатот е доказ за тоа“, рече рускиот претседател и додаде дека тоа му оставило силен впечаток.

Тој оцени дека Трамп во првиот мандат се плашел да не направи непотребен чекор или да каже нешто непотребно.
„Што ќе прави во вториот мандат се уште не е познато. Но, неговите изјави за неговата намера да ги обнови односите со Русија и да стави крај на конфликтот во Украина заслужуваат внимание“, рече Путин на пленарната седница на клубот за дискусија „Валдај“.