Во Санкт Петербург е во тек Меѓународниот економски форум, а на него пред медиумите и јавноста се обрати претседателот на Русија, Владимир Путин.
Нему на подиумот му се придружија претседателот на Зимбабве Емерсон Мнангагваис и боливискиот претседател Луис Алберто Арсе Катакора.
Тој во својот говор истакна дека е меѓу водечките светски сили за воспоставување на суверенитет и продолжи на потребата земјите да воспостават партнерства за да се справат со актуелните светски економски предизвици.
„И покрај сите пречки и нелегитимни санкции, ние сè уште сме еден од светските економски лидери. Пријателските земји, оние кои не се приклучија на санкциите, сочинуваат три четвртини од трговскиот промет на Русија и јас ги пофалувам за тоа“, рече Путин.
Некои земји, вклучувајќи ги Индија и Кина, ги зајакнаа економските врски откако Путин ја започна својата агресија против Украина.
Путин објави „војна“ на западните валутиМеѓу другото, Путин рече дека Русија мора да ја зголеми употребата на незападните валути и дека неговата земја треба да го намали увозот.
„Трговијата со Азија расте, а речиси две петини од руската надворешна трговија е во рубљи, додека уделот во долари, евра и други западни валути е намален“, им рече тој на присутните делегати.
„Ќе се обидеме да го зголемиме уделот во валутите на земјите од БРИКС, кои ги вклучуваат Бразил, Русија, Индија, Кина и Јужна Африка “, рече Путин.
„Минатата година уделот на плаќањата за рускиот извоз во таканаречените „токсични“ валути на непријателските земји беше преполовен, додека учеството на рубљата во извозните и увозните трансакции расте, денес се приближува до 40 отсто“, заклучи Путин.
Пронајдете не на следниве мрежи:
