Кремљ соопшти дека намерно одлучил да не го открива името на руската вакцина со која претседателот Владимир Путин ќе биде денеска имунизиран.
– Намерно не кажуваме кој лек ќе го добие претседателот, истакнувајќи дека сите три руски вакцини се апсолутно безбедни и ефикасни, изјави портпаролот на Кремљ, Дмитриј Песков.
Според Песков, Путин веќе направил многу за промовирање на вакцини од руско производство, од кои најпозната е Спутник В.
Москва, исто така, даде итно одобрување на уште две домашни вакцини, EpiVacCorona и CoviVac.
Песков додаде дека на Путин не му се допаѓа идејата да се вакцинира пред камери.
©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола или посебен договор, не е дозволено преземање, користење или реемитување на вестите.
