Рускиот претседател, Владимир Путин, планира да се вакцинира со руската вакцина против коронавирус, рече неговиот портпарол.
„Путин планира да се вакцинира пред официјалното патување во Јужна Кореја, каде што ќе се сретне со лидерот на таа земја“, објави портпаролот на Кремљ, Дмитриј Песков, јави руската новинска агенција ТАСС.
„Путин вчера доби покана од неговиот јужнокорејски колега. Тој потврди дека дефинитивно ќе ја прифати поканата кога ќе се вакцинира”, рече Песков, но не откри кога треба да се случи официјалното патување.
Јужнокорејската новинска агенција „Јонхап“ вчера објави дека во телефонскиот разговор меѓу двајцата лидери било договорено Путин да ја посети азиската земја по понатамошно стабилизирање на состојбата со коронавирусот.
